SSC Delhi Police Recruitment 2025: 12ஆம் வகுப்பு தேர்ச்சி பெற்ற இளைஞர்களுக்கு மத்திய அரசில் போலீஸ் வேலை பார்க்கும் கனவை நனவாக்க ஒரு பிரம்மாண்டமான வாய்ப்பு! மத்திய அரசுப் பணியாளர் தேர்வாணையம் (SSC) மூலம் டெல்லி போலீஸில் 7565 கான்ஸ்டபிள் பணியிடங்கள் நிரப்பப்பட உள்ளன. இந்த அருமையான வாய்ப்புக்கு விண்ணப்பிக்க இன்னும் ஒரு வாரமே அவகாசம் உள்ளதால், தகுதியுள்ளவர்கள் உடனடியாக விண்ணப்பிக்குமாறு கேட்டுக்கொள்ளப்படுகிறார்கள்.
ஆண்கள் மற்றும் பெண்கள் இருபாலரும் விண்ணப்பிக்கக்கூடிய இந்த வேலைக்கு, நல்ல சம்பளத்துடன் கூடிய நிரந்தர மத்திய அரசுப் பணி கிடைக்கும். விண்ணப்பக் கட்டணம் கூட பெண்களுக்கு முற்றிலும் இல்லை. இந்த சூப்பரான வாய்ப்பை பற்றிய முழு விவரங்களையும் கீழே காணலாம்.
முக்கிய விவரங்கள்
- தேர்வு வாரியம்: மத்திய அரசுப் பணியாளர் தேர்வாணையம் (SSC)
- துறை: டெல்லி போலீஸ்
- பதவி: கான்ஸ்டபிள் (Constable – Executive)
- மொத்த காலியிடங்கள்: 7565
- சம்பளம்: மாதம் ரூ.21,700 முதல் ரூ.69,100 வரை
- கடைசி தேதி: 21.10.2025 (இன்னும் 7 நாட்களே உள்ளன)
காலியிடங்களின் முழு விவரம்
- கான்ஸ்டபிள் (ஆண்): 4408
- கான்ஸ்டபிள் (ஆண் – முன்னாள் ராணுவத்தினர்): 285
- கான்ஸ்டபிள் (ஆண் – கமாண்டோ): 376
- கான்ஸ்டபிள் (பெண்): 2496
தேவையான தகுதிகள்
- கல்வித் தகுதி: விண்ணப்பதாரர்கள் அங்கீகரிக்கப்பட்ட கல்வி வாரியத்தில் இருந்து 12 ஆம் வகுப்பு (+2) தேர்ச்சி பெற்றிருக்க வேண்டும்.
- வயது வரம்பு: 01.07.2025 தேதியின்படி, விண்ணப்பதாரர்கள் 18 முதல் 25 வயதுக்குள் இருக்க வேண்டும். அரசு விதிகளின்படி, SC/ST பிரிவினருக்கு 5 ஆண்டுகளும், OBC பிரிவினருக்கு 3 ஆண்டுகளும் வயது வரம்பில் தளர்வு அளிக்கப்படும்.
தேர்வு செய்யப்படும் முறை
தகுதியான நபர்கள் இரண்டு கட்டங்களாகத் தேர்வு செய்யப்படுவார்கள்:
- கணினி வழித் தேர்வு (Computer Based Examination): இது ஒரு கொள்குறி வகை எழுத்துத் தேர்வாகும். பொது அறிவு, திறனறிதல், கணிதம் மற்றும் கணினி அறிவு ஆகிய பாடப்பிரிவுகளில் இருந்து கேள்விகள் கேட்கப்படும்.
- உடற்தகுதி தேர்வு (Physical Endurance and Measurement Test): எழுத்துத் தேர்வில் தேர்ச்சி பெறுபவர்களுக்கு ஓட்டம், உயரம் தாண்டுதல், நீளம் தாண்டுதல் போன்ற உடற்தகுதி தேர்வுகள் நடத்தப்படும்.
விண்ணப்பக் கட்டணம் மற்றும் விண்ணப்பிக்கும் முறை
- பொது மற்றும் OBC பிரிவினருக்கு விண்ணப்பக் கட்டணம் ரூ.100 ஆகும்.
- பெண்கள், SC மற்றும் ST பிரிவினருக்கு விண்ணப்பக் கட்டணம் முற்றிலும் கிடையாது.
தகுதியும் விருப்பமும் உள்ள விண்ணப்பதாரர்கள் https://ssc.gov.in/ என்ற அதிகாரப்பூர்வ இணையதளத்தின் மூலம் ஆன்லைனில் மட்டுமே விண்ணப்பிக்க வேண்டும்.
விண்ணப்பிக்க ஒரு வாரமே இருப்பதால், கடைசி நேர சர்வர் பிரச்சனைகளைத் தவிர்க்க, இன்றே விண்ணப்பப் பணிகளை தொடங்குவது நல்லது. மத்திய அரசு காவல் துறையில் சேர விரும்பும் இளைஞர்களுக்கு இது ஒரு பொன்னான வாய்ப்பு.
Official Notification:
Apply Link:
For More Job Info:
